بقلم /محمد راضي
أكبر_غلط_فى_التربيه:
معظم الأهالى بيبقوا شايفين ان ولادهم مشروع حياتهم
مش مشروع حياته فبيخلوهم يحققوا اللى هما ماعرفوش يحققوه مش اللى ولادهم عاوزين يحققوا وده اول استغلال من الاهل لولادهم وفى الاخر يقولك =ابنى شخصيته ضعيفه ومابيتحملش المسؤوليه اصل #بنتى قافله على نفسها ومابتحبش تقعد معانا
بلاش تكملوا النقص اللى فيكوا فى عيالكوا
=أعرف_أحتياجاتك
1-أنك تتقدر _ أنك تتحب _أنك تتحس _أنك تتقبل من اللى حواليك _أنك تلاقى الأهتمام _أنك تتشاف
وعشان توصل للنمو النفسى السليم
لازم الأب والأم يلبوا الإحتياجات دى بشكل صح
بس للأسف مش ده اللى بيحصل عشان الاحتياجات دى تتلبى لازم يبقى فى مقابل (هات كيس مكرونه من البقال وخدلك 5جنيه _ وهكذا / فديما بيبقى بيعمل عشان يلاقى المقابل ومن هنا أتربى معاه الحب المشروط بمقابل
فابلتالى كل الأحتياجات بتتحول لإحتياجات مشروطة
فبيضطر يعمل اللى هما عاوزينه عشان هوه محتاج
المقابل فمابيبقاش نفسه فى الاخر وبعدين بكل بجاحه #الأهالى بتستغرب من الشخصيه اللى هما أساسا مسؤولين فى تكوينها
=أعطى لأبنائك فرصة
طلبت الأم من ابنها أن ينظف غرفته فأخذ الطفل المكنسة الصغيرة اليدوية لتنفيذ المهمة وفى أثناء ذهابه إلى غرفته صاحت فيه الأم لأنه خالف التعليمات كانت شكواها متمركزه على الطريقة التى سيتم تنظيف الغرقه بها وأدركت أن الوسيلة لا تصلح للمهمة وسوف تستغرق ضعف الوقت
لأنها كانت تريده أن يستخدم المكنسة الكهربائيه
كل ما أريد معرفته هل تمت نظافت الغرفه ام لا
وليس كم من الوقت استغرق ذلك أحيانا نحن ندفع أبناءنا إلى أن يكونوا معتمدين علينا فى كل أوقاتهم ونحرمهم من تعلم المسؤوليه فيجب أن نعلمهم كيفية التعلم من الخطأ وليس عدم الخطأ فلا تكونوا قساة لا تدققوا فى كل شىء
لا تجعلوا القضية قضية سيطرة وتحكم فهذا يخلق معارضة وعنادا أكثر وسيفقد شخصيته تجاه مهامه وعندما يكبر سيصبح أعتمادى من الدرجة الأولى ولن يتحمل مسؤولية حل مشاكله
أصوات_الفشل_تأتى_من_خطأ_التربية
أوقات بتفضل تفكر كتير وتخاف تجرب حاجة جديدة نفسك تعملها وتقول لنفسك أكيد مش هاقدر
يمكن أفشل ولو بدأت ممكن ماأكملش
وتفتكر ذكرياتك مع الفشل وتقول فشلت فى التعليم
فتحت مشروع وأقفلته أتجوزت وطلعت فاشل فى تحمل المسؤلية ياعم أنا مش نافع فى حاجة
تعالى بس هفهمك أى سبب الأصوات دى
كل دى أصوات فشل بتطاردك من أيام ماأهلك ماكانوا بيقولولك يافاشل عمرك ماهتتعدل ويقارنوك مع قرايبك
أصلا أساسا أنت عمرك ماعملت حاجة بتحبها
الكلية أبوك أخترهالك العروسة أمك هيا اللى جابتهالك
المشروع كان زن من أبوك وأمك عشان أبن خالك فتح مشروع فعايزينك تفتح عشان مايبقاش أحسن منك
=التخلص من أصوات الفشل
كل اللى أنت محتاجة بعض الشجاعة والمغامرة علشان تجرب تعمل حاجه بتحبها حاجة أنت اللى #مختار تتعب وتعافر وتنجح فيها أكيد هتقدر تعمل حاجه جرب وأكسر بعض من خوفك أكيد تجربتك هتفيدك أو هتفيد الأخرين ومن هنا هتبدأ تكتشف قدارتك ومواهبك اللى ربنا حطها فيك
فلا يمكنك عبور البحر بمجرد الوقوف والتحديق إلى الماء
ماتبنيش_فشلك_على_عدم_التجربة
التغيير_محتاج_وقت_ومجهود
هوه أكبر تحدى ممكن يواجهك فى حياتك
إنك بتعافر وتحاول تغير شوية أساليب متعايش معاها
بقالك فتره شويه مفاهيم مغلوطة ومعتقدات خاطئه
بتعافر عشان تلاقى نفسك وصت الضغوط اللى حواليك
وسط مخاوفك ومحولاتك الفاشله بس لسه بتجاهد نفسك وتغير شويه اللخبطه اللى عندك بتلاقى نفسك وسط أختيارات مختلفه عن اللى أتعودت عليها وفى نفس الوقت مخاوفك محوطاك بس بتحاول تخوض التجربه
التغيير_ليه_ثمن
أيوه ماهوه مش زرار هتضغط عليه هتتغير
فى حاجات هتستغنى عنها وأشخاص هتبعد عنك بدون سبب
هتتألم نفسيا وجسديا وهتحس بعدم الرضا للواقع وأن كل حاجه تقيله هيجى عليك أوقات يأس وإحباط
=الوصول للتغير
إنك هتتعلم تواجه حتى وأنت خايف هتعرف بدل ماترجع تعافر من الأول تغير بنود الخطة عشان تفضل مكمل
فتألم لتتعلم لتصل لما تستحق من تغيير
=خد وقتك
إرسال تعليق