⭐إستضافه مشوارعصاري علي قناةكسلامديرالجباية بالزكاة الإتحادي (زيادةالتحصيل بلغت١٠%في ٢٠٢٤ ،وإجازةميزانية٢٠٢٥ ب٢٨٠ مليون جنيه) ._جريده الهرم المصرى نيوز

 

بقلم الصحفيه رانيا عصمت 

أكثر شئ بيأذى هى توقعاتك.
توقعاتك وعشمك.
انك تتعشم فى الناس.
وتقول ده استحاله يكون كده.
وده لا يمكن يوجعني.
وده أقرب حد ليا.
وده طيب أوى.
وده احسن حد فى الدنيا.
المشكله أن كل وجعك بيجى من الناس اللى كنت بتقول عنهم كل ده .
لأنك صورتهم فى صورة ملائكه .
لكنك نسيت أنك فى الدنيا وأن كلهم بشر .
بشر يعنى جواهم مش باين مش واضح .
كتير منهم بيتجسدوا فى صور ملائكيه.
وكتير منهم يعاملوك بمنتهى النفاق والخداع.
لأنهم مش شفافين مش باين جواهم أيه.
مشكلتك أنك بتشوف الناس بقلبك.
قلبك اللى عايش بيحب الناس وبيحب ليهم الخير.
قلبك اللى جواه خير وميعرفش شر .
اوعى تتصدم او تتوجع لما متلاقيش توقعك فى محله.
لما متلاقيش الناس اللى انت كنت رسملهم صورة معينه جواك .
ساعات كتير بتعيش عمر بحاله شايف ناس بصورة وحاططهم فى مكانه جواك وحاسسهم كل الدنيا .
وبعد كده تشوفهم على حقيقتهم وتقول ايه ده ازاى انا كنت شايفهم كده .
وتفضل تسأل نفسك أسئله ومتلاقيش اجابه عليها .
غير أنك توقعت واتعشمت بزياده فى خيالك .
ولكن الحقيقه طلعت حاجه تانيه خالص.
فياريت متفكرش ولا تندم كل اللى عليك أنك تحط كل واحد فى الخانه اللى يستحقها واللى تلاقيه ميستحقش خانه فى حياتك امسحه من حياتك .
وطول ما انت عايش هتتعلم بس ياريت أصلا تتعلم .
لان طيبتك ونقائك طبع جواك واستحاله هتقدر تغير طبعك.