كتب/احمد السيد جاب الله
رسالة الى المتغطرس ترامب
في واحده من أغرب مشاهد الغطرسة و البلطجه السياسية
دونالد ترامب صرح رسمى بإن السفن الأمريكية سواء حربية أو تجارية تعدي ببلاش من قناة السويس وقناة بنما!!
وقال بالنص :
> "American Ships, both Military and Commercial, should be allowed to travel, free of charge, through the Panama and Suez Canals! Those Canals would not exist without the United States of America."
يعني بكل بساطة شايف إن أمريكا صاحبة خير على العالم ولازم تعدي سفنها ببلاش
طب تعالوا نبص عالأرقام عشان نفهم حجم الكوميديا:
قناة السويس في 2022 جابت لمصر 7.9 مليار دولار دخل سنوي
عدد السفن اللي عبرت القناة السنة دي وصل تقريبًا لـ 23,800 سفينة
السفن الأمريكية اللي بتمر في قناة السويس سنويًا لا تتعدى 40 سفينة معظمها حربي
متوسط رسوم عبور سفينة وحدة بتكلف حوالي 300 ألف دولار.
يعني ببساطة إجمالي الفاتورة اللي أمريكا بتدفعها سنويًا للقناة حوالين 12 إلى 15 مليون دولار بس
بالمقارنة:
الصين لوحدها سفنها بتعمل حوالي 10% من حركة المرور بالقناة.
أوروبا مجمعة مسؤولة عن 40% من التجارة اللي بتمر من القناة.
الهند حوالي 35% من تجارتها الخارجية بتمر من القناة.
وبالرغم من ده كله لا الصين ولا أوروبا ولا الهند طلبت تعدي ببلاش
بس ترامب بيطلبها عيني عينك!!
ليه بيحاول ترامب يعمل كده؟
علشان يحل أزماته الاقتصادية الداخلية على حساب الغير.
وعلشان يقنع الداخل الأمريكي إنه بيوفر على ميزانية الدولة.
وفوق ده كله بيحاول يفرض منطق "البلطجة السياسية" على دول حرة مستقلة زي مصر.
ردنا ببساطة:
قناة السويس ملك لمصر.
مصر حفرت القناة بأرواح ولادها ودفعت دمها تمنًا لها.
مفيش سفينه هتعدي ببلاش..!!
ومن موقعنا هذا بنقوله ده عند الماما بتاع الانت يا خبيبى
#تحيا_مصر_ قائد وشعب وجيش
إرسال تعليق