كل اللي يقول إن الستات
نوع واحد
ده راجل بيقول تخاريف
فيه الانانة
والحنانة
والمنانة
والزنانة
وتقدر تزيد وتضيف
و فيه المكتومة أم بوز
ملوي ومكشرة
دايما دول صنف مخيف
وفى العقربةالحرباية ام
لسان زالف
جلابة الشر قول يالطيف
وفيه ستات صعب يتقال
عليهم
ستات دول خارج التصنيف
وفى الستات البلسم ام
صباح نادي
وشها متبسم ودم خفيف
وفى اللى تملى حياتك
بهجةوسرور
وتفاؤل دول جنس لطيف
وفيه اللي تتجوزها تكون
وش الهنا والسعد
معاها تعلي وتضيف
و اللي تتجوزها تدخل
بالفقر يبقى
جيبك زي الصيني نضيف
وفيه ست أصيلة تقف جنب
راجلها
حبيبة وصديقة وحليف
دارت الدنيا براجلها معاه
سنداه تواسيه
وتكون له خير وليف
الستات أصناف وأشكال
وأنواع مختلفة
من كل صنف وطيف
دول حسنة الدنيا وأرحمنا
وزينتها وفتننها
والجنس الطيف
شاعر العامية/ عبد المنعم حمدي رضوان
إرسال تعليق