كفاية تجميل للواقع! واعمل شير
بيقولوا مفيش بلطجة…
طب واللي بيتعرض يوميًا على الشاشات إيه؟
شبحنة، عنف، سرسجية، ألفاظ وسلوكيات عمرها ما كانت تمثل عموم الشعب المصري!
بقى البلطجي بطل
والصوت العالي قوة
وقلة الأدب جرأة!
إحنا مش ضد الفن…
ولا ضد عرض قضايا واقعية.
لكن ضد تمجيد النماذج السيئة وتحويلها لقدوة قدام جيل كامل بيتفرج ويتأثر.
الحقيقة الواضحة:
إحنا مش هنقدر نمنع الجيل من المشاهدة في عصر السوشيال ميديا.
المحتوى بيوصلهم في كل مكان.
لكن نقدر نختار إحنا ندعم إيه… ونرفض إيه.
نقدر نقاطع.
نقدر نرفض ندخل بيوتنا أعمال بتكرّس الانحراف والتبجح.
نقدر نخلي اللي صرف ملايين على محتوى فارغ يخسر… علشان يتعلم إن احترام عقل المشاهد مش رفاهية.
وكمان،
في فنانين صدرت منهم مواقف وتصريحات أساءت لقطاعات من الجمهور،
ورغم كده بيظهروا في أعمال وكأن مفيش حاجة حصلت.
الجمهور مش لازم ينسى.
ولا لازم يكون بلا موقف.
الدراما قوة ناعمة خطيرة،
ولو سيبنا الساحة لتجار الإثارة الرخيصة…
هنخسر جيل كامل.
إحنا في فترة حرجة،
ومش محتاجين ضجيج…
محتاجين وعي.
ادعم العمل الهادف.
قاطع العمل الهابط.
وخلي لك صوت… لأن سكوتك مكسب لغيرك.
#قاطع
#خلي_لك_موقف
#ادعم_الدراما_الهادفة
#الوعي_مسؤولية
#شير للغير ف الخير
بقلمي🖊 : اسلام الجبالي
إرسال تعليق