بقلم د مروة رزق.
ليه بقينا مادة لسوق الدايت من أجهزة وأدوية وعمليات لتدمر صحتنا !!!
تعالو نشوف الاول طبيعة جسمنا ماشية ازاي:
دلوقت احنا جسمنا محتاج طاقة عشان الاعضاء الحيوية الي موجوده فيه
والنشاط اليومي الي بنبذله و كمان وهو بيتعامل مع الطعام من هضم وحرق و عمليات الايض
وكمان لو بتعمل نشاط بدني زياده هتحتاج الطاقه دي
طيب بمعادله بسيطة
لو الطاقه الي بتاخدها من أكلنا مساويه للطاقة الي جسمك محتاجها اذن النتيجه هي الثبات وماتزيدش في الوزن
لو الطاقه دي أقل الطبيعي انك تخس
ولو الطاقة دي ازيد من احتياج جسمك اذن الطبيعي انك تزيد في الوزن
تعالو نشوف ايه السلوكيات الغلط الي بنعملها واحنا مش واخدين بالنا منها:
١-ممكن متكونش بتتحكم في كمية او نوعية الطعام الي بتاخذه وده حلها انك لازم تعمل فوود أجندة على مدار اليوم بتاعك هتساعدك كتير
٢- ان يكون عندك تجارب كتير وبتسمع اراء وكلام ناس كتير مخلياك مضطرب ومشتت وممكن تجرب حاجات فاكر انها بتخسس وتطلع العكس.
٣- فكرة التجويع أو تحديد نوع معين بس من الطعام دا غير صحيح .
٤- دائما مستعجل وبتقارن نفسك بغيرك وانك تعمل دايت قاسي جدا لفتره معينة وبعدها ترجع لسلوكياتك الغذائية الخاطئة ،
كده انت خليت الدايت ده حاجه مؤقته وليس نظام حياه.
٥- اخيرا بقه ممكن يكون عندك خلل في الهرمونات او افراز الكورتيزون بنسب عاليه نتيجه التوتر والقلق او نقص في بعض عناصر الجسم زي فيتامين د او خلل في الغده الدرقية
او نقص في مخزون الحديد عندك
والي ثبت ان ليه دور كبير جدااا في عمليات الايض والحرق في جسمنا .
كل الي عليك تعمله انك تنظم وجباتك ،تابع فحوصاتك اول باول ،اشرب ميه كتييير ، اوعى تخجل او تتكسف انك تستشير طبيبك،
واخيرا لازم تثبت رياضة بشكل دائم حتى رياضة المشي .
إرسال تعليق