بقلم ألاء محمود
صباح الفل والجمال 😍🥰
كل الناس بتمر بتحديات صعبة جداا في حياتهم منهم الي بيقدر يتعامل معاها ويكمل حياته بعد ما يكون اتعلم الكثير والتحديات دي قدرت تصنع منه بني ءادم احسن في كل شيء …ومنهم الي مقدرش يكمل ورفع الراية واستسلم 😞
وهي دي لعبة الحياة من وجهة نظري
(انما الحياة الدنيا لعب )
فانت جاي الدنيا كأنك بالظبط داخل لعبة فيها levels مختلفة وكل level بيأهلك لل level الأصعب منه وهكذا حتي تنتهي اللعبة
واما تطلع كسبان في النهاية او تخسر الخسران المبين 😔
المشكلة بتظهر في حاجتين:
١) لما نلعب ومنكنش عارفين ايه هي قواعد اللعبة فأكيد الدنيا هتبوظ مننا 😕 واحنا مش عارفين ايه السبب🤷♀️
٢) ولما اللعبة تهنج ونلاقي نفسنا مش عارفين نكمل ..وقتها مبنعرفش نعمل ايه !!
نروح فين ومين الي نلجأله يساعدنا في حل مشكلتنا..
فبنبدأ ناخد قرارت خطأ مبنية علي ردود افعال سريعة 😦بدون فهم لنفسنا و لغيرنا وبدون علم ووعي كافي لإيه السبب الي دفعك تتصرف بالطريقة دي او الي وقعك في مشكلة زي دي أصلًا !
وهنا يبدا الموضوع يبوظ اكتر والمشكلة تبقي مشكلتين ولتلحق نفسك لا هتلاقي نفسك حرفيًا غرقت 😒
ودايما
بيكون في حل حتي لو فضلت فترة طويلة اوي بتعاني وده فضل ربنا علينا ☺️
وبيكون حقيقي افضل الحلول الي بتساعدك توصل لبر الامان 💚وترجع تكمل لعب والدنيا تمشي معاك زي الاول واحسن وهو ( فاسألوا اهل الذكر ان كنتم لا تعلمون )
اوعي تلعب وانت مش عارف ايه قواعد اللعبة لانك اكيد هتخسر 😓
وكل ما تعرفها بدري من الاول كل ما هتوفر علي نفسك وقت ومجهود وتعب ومعاناة سنين ..وخسائر كتير اوي ممكن تخسرها في النص
مع بعض هنعرف ايه هي قواعد اللعبة إلي هتساعدنا نكمل حياتنا في هدوء وسعادة وأمان ☺️
إرسال تعليق