بقلم دكتور هاني البوصي
قبل ما أتكلم وأنادي نفسي أقول الكلمتين
مهما أسافر مهما أبعد مهما أمشي لحد فين
لازم أرجع مصر وطني اللى عايش فيه سنين
واللى نيلها منه شارب واللى ناسها طيبين
واللي فيها الحضارة ع الشمال وع اليمين
اللى فيها القلب الأبيض والخضار فوق ع الجبين
هي أصلي وهى فصلي والتاريخ يحلف يمين
مصرنا مصر العروبة رافعة راسنا فى كل حين
أرض ابني وابن أخويا مصر قبط ومسلمين
مصر فرحة ونور وزينة مصر دمعة وليل حزين
أهدي روحي ودمي ليها ضد كل المعتدين
هى أمي وهى أبويا والجدود طول السنين
إرسال تعليق